"காண்பதெல்லாம் கனவென்றால்
நடப்பதெல்லாம் நிஜமென்று என்ன நிச்சயம்?"
"காற்றுப் புகாத ஓட்டினுள் உயிர் புகுந்த மர்மம்
எனக்குள் நீ புகுந்தது என்னை அறியாமலேயே"
"மனதைப் பூட்டிவைத்துக் கொள்கிறாய்
உன் மௌனம் எனும்
சாவி திறந்து கட்டியது
உன்னுளிருக்கும் என்னை"
"எனக்குப் பிடித்த கவிதை நீ
உன்னைப் படித்த ரசிகன் நான்
எனக்குப் பிடித்த ஓவியம் நீ
உன்னை ரசிக்கும் கலைஞன் நான்"
என் காதலே
"புரிந்தது உன் கள்ளத்தனம் அதைக் கண்டவுடன்
உன் நாட்குறிப்பேடு முழுதும் வெற்றிடம்
என் பிறந்த நாள் குறிப்பு நீங்கலாக!!!"
"உன் ஏவுகணைப் பார்வைகளிலேயே என்
இதயம் சுக்குநூறாகிப் போகிறது , இதுபோதாமல்
அருகில்வேறு நெருங்கி அமர்ந்து இன்னும்
என்னைக் கூடுதலாக இம்சித்து கொல்லவேண்டுமா?"
"தயவு செய்து சத்தமாக பேசாதே!
அங்கே பார் சமயம் பார்த்து காத்திருந்த காற்று
உன் பேச்சுக்களை எந்தன் காதலை
களவாடிக் கொண்டு ஓடிகொண்டிருகின்றன"
மயிலிறகே
"ஆசை ஆசையாய்
மயிலிறகு வேண்டுமென்று கேட்டாய்
எனக்கு அழுகை அழுகையாய் வருகிறது
மயிலே என்னிடம் மயிலிறகு கேட்கிறதென்று"
"புத்தகப் பைத்தியம்தான் நான்
நீ புன்னகைத்துவிட்டுப் போனபின்
புத்தகங்களை பைத்தியமாக்கிக் கொண்டிருக்கிறேன்"
"பொதுவாக கவிதைகள் எழுதுவதில் எனக்கு....
(உடல் முழுவதும் ஒவ்வொரு செல்லிலும் ஊடுருவிக்
குடியேறிய உன் காதலை வெற்றுக்
காகிதத்தில் மைத்துளிகளாக விரவுவதில்)
......உடன்பாடில்லை!!!"
"என் எண்ணங்கள் யாவும்
எழுத்துக்களாகவே கரைந்துவிடுகின்றன
உன் முன்னே பேசும் போது,
சொற்கள் குறைப்பட்டுப்போகின்றன."
No comments:
Post a Comment