அண்ணாமலை ரஜினி வாய்ஸ்ல அப்பா வச்ச சேலஞ்ச்! :)))

ஒரு நாள் ஆபீஸ் கிளம்பிட்டு இருந்த நேரம், அப்பாட்டருந்து ஃபோன் வந்தது. உரையாடல் இதோ:

நான்: "என்னங்கப்பா இன்னிக்கு ரெஸ்ட்டா? என்ன பண்ணிட்டு இருக்கீங்க?"

அப்பா: "ஆமா, வீட்லதான் இருக்கேன் (அப்பா சலிப்புடன்). சாப்டியாடா?"

நான்: " ஆச்சே! நீங்க சாப்டல?"

அப்பா: "குடுத்து வச்சவன் நீ. நான் எங்க சாப்பிட? மணி பத்தாச்சு. இன்னும் உங்க அம்மா சாப்பாடு போடுறதா எண்ணமில்ல போல."

நான்: "எத்தன வருஷம் பொழம்பிட்டு இருப்பீங்க?"

அப்பா: "உங்க அம்மாவுக்கு புத்திமதி சொல்றது!?"

நான்: "ம்க்கும். 26வருஷமா நீங்க சொல்லிட்டு இருக்குறதையா நான் சொல்லிக் கேக்கப் போறாங்க? வாய்பில்லப்பா. Your Wife! Your Problem. :P"

அப்பா: "ஓஹோ! அப்பிடியா சொல்ற? மவனே இன்னிக்குத் தேதிய டைரில குறிச்சு வச்சுக்கோ. இதுக்காண்டியே உனக்கு ஒரு கல்யாணத்த சீக்கிரம் பண்ணி வைக்குறேன். அப்புறம் இருக்குடா உனக்கு.
நாலு வருஷம் கழிச்சு நொந்து நூடுல்ஸ் ஆகி திரும்ப என்ட வருவ. அப்பா' என் பொண்டாட்டி என்னக் கதறக் கதறக் கொடும படுத்துறா! என்னான்னு என்னைக் கேக்க சொல்லுவேல. அடி தாங்காம வந்து நிக்கிற உன்ட அப்போ திருப்பி சொல்றேன்டா இந்த டயலாக்க 'Your wife! Your problem!'ன்னு."

நான்: "அவ்வ்! அப்பா என்னப் பழிவாங்க வேண்டாம். இந்தா என்னன்னு நியாயத்த இப்பவே அம்மாட்ட கேட்டுட்டு உங்களுக்கு உடனே சாப்பாடு போட சொல்றேன். :P சரண்டர்ர்ர்!"

#கொலைவெறி முற்றும்.